Blindheit

Du stehst do zwischen an Haufen Menschen, de am nächsten Tog mit Kopfweh oda an schlechten Gwissn, an fremden Mädel neben sich oda ohne Gedächnis aufwochen. Amol gregst a Bier driba, vier Meter weiter is es a Spritza. Den Brandy kassiast im ondan Zelt und gschupft wirst sowieso ima.
Do dazwischen stehst du. Host ka Glick und dei Freindin oda dei besta Freind stehn bei dir, denen du de Hond reichen konnst. Fühlst di anfoch folsch do.
Suachst da heit kan Riss, weil der mehr Bier in da Bian hot als auf sein Hemd. Der Snapchatfreind geht grod mit ana ondan Hond in Hond ause. Glab ma, Maus, auf de Einwegschmusarei musst nix neidig sein. Wissen bade morgn nix mehr davon oda sie geht mit Schmetterlinge ham und er mit da Frog, ob se jetzt Christina oder Christine ghasn hot. Morgen sogt er da wohl, doss er liaba mit dir ause wa. Oba du bist zguat fia des. Glab ihn den Schas nit, vaschickt er des als Massensnap.Des soll des #goodlife sein, von dem olle tramen? Saufen, Nacht durchmachen und de Schmusliste mit unwichtigen und eventuell falsch gemerkten Namen auffüllen. Jedes Wochenende es selbe erleben. Lei ob und zua spüln se stott 500 PS amol Ohne mein Team. Gamechanging woooow. Gach kennts olle Gsichta und wast im Vorhinein, wer mit wem ausehupft.
Longsom erkennst du de Blindheit der Leit. Anstatt sich selba zu suach, auf da Jogd noch an ONS sein. Niemand frogt sich, wie ungsund der Lifestyle, bestehend aus Alk mit Zuckaaaa und Chicks is. Olle wern blind und leben a Leben, des ma goa nit verfolgen wollen. Wir tuan so als wär des aufregend, cool und ondas. Gonz ehrlich, es is doch anfoch nur schwoaz und weiß. De Gaude mit de Freind findet e schon long nerma stott. Daham bei Bier, Wein und Speck führst vü bessare Gespräche. Außadem hom de Streits der Paarlen daham Sendepause, beim Fuatgehn mehr so Dauerwerbesendung. Da Ex zohlt a Getränk, des ehemalige Gspusi umoamt ihn 2 Sekunden zlong, dem Mädi homa jetzt oba echt nit lei in de Augen gschaut..
Fuatgehn trifft Stress, Ärger und schlechte Luft.

Klassiker: Mandl und Weibl. Weibl und Weibl. Mandl und Mandl. Wie ihr wollts. Chatten seit Wochen, snapen Tog und Nocht. Valiebt in nächster Sekunde. „Treff ma uns heit bei da Party X und reden?“ „Kema schmusn a.“ Es folgen sexy Smileys à la 😏 💋 👅
De realistischen Optionen:

1. schmusn
2. schmusn, lei mit de Folschn
3. nix, starren sich lei schüchtern on und snapen donn sowos wie „ma guat host ausgschaugt.“
4. er mocht auf amol neben ihr random Liegestütze ?????
(schwör is ma echt amol passiat!! ES GIBT ZEUGEN)

Sie snapen weiter. 5 Wochenenden lang immer wieder das gleiche Spiel. Amol schmust er versehentlich mit ihrer Ex-BF. I man konn jo echt passian, weil sowos geht anfoch so flott. Donn is er zu betrunken, um lei zu stehn und grod zu schaugn. Beim ondan Mol zu schüchtern. Bei Wochenende 6, do wo Schlogaparty is, werd gschmust. JUHUUUUU. Nit umsunst de Freindinnen olle versetzt und extra fia ihn alan in de Disko gfoan. Super Move, Girl. Männer > Freundinnen. 
Fix banond. Imma noch jedes Wochenende in da Disko, weil er des mog. Sie tat so gern mol wos essn gehn, oba na. Er will nit. Jeden Somstog um 5 in da Fria ham. Wos passiat? De Schulleistung geht obwärts, wie de Streif. Scheißsteil.
Sog kana dem Diandl, wie blind se is? Sie is nit glücklich mit dem Zuastond. Ständig fuat, nie daham, ka Ruah. Er geht a oft auße aufs Klo, obwohl es a WC gibt. A blondes Diandl hupft donn a imma auße. Oba des sig se olles nit.

Oba wir wollen jo nur des glabn, wos ma segn. Seg ma wos, wos ma oba nit wollen, seg ma des nit. Logisch. Wir sein Künstler des Überspielens, geübt im Blindsein. Dabei is de Blindheit an sich a schlimme Soche. Menschen verpassen de schönsten Farben, können sich nie an Bildern erfreuen und nehmen des Leben nit visuell wa. Wir ham so a Glück, segn zu diafn. Doch wir mochn auf blind.

Wir segn de Bösartigkeit nit.
Wir segn de Gefahr nit.
Wir segn de Chancen nit.
Wir segn unsa Glück nit.
Wir segn de Liebe nit.
Wir segn nit, wenn ma schlecht behandelt werden.
Wir segn nit, wenn wer extra liab zu uns is.
Wir segn de Klanigkeiten nit.
Wir segn de Sternlan in den Augen nit.
Wir segn den gonzen Feenstaub nit.

Wir miasn anfangen, unsa Sehkraft zu nutzn. Wir miasn Dinge sehen, wie se sein. Fuatgehn is ka Leben fia imma. A Kerl, der grob is, is nit dei Traumtyp. De Zigaretten sein nit dei Erlösung. Da Fünfa in Latein kumt nit von „da bledn Lehrerin“. Weckts eich bisi auf. The eyes are useless when the mind is blind_ life quotes inspirational quotes #lifequotesinspirational.jpg

De Woaheit tuat weh, weil sie woah is. Oba des kert zua Woaheit dazua.

Danke fias Lesen, danke fias Dabei sein. I hoff, ihr checkts des Beitragsbild. Brille, weil man so schlecht sig. WOW COOL LARISSA. KREATIV. Bis Sonntag. ❤️

 

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s