Waage

Wir sein gezwungen täglich Entscheidungen zu treffen. Oba ma wollen oder nit, i will eigentlich nit so gern.

Karotten oder Rote Rüben? I was nit. Pulli in grau oda schwoaz, i was es nit. Stan Smith mit Blau oder Grün. I was nit. Essensentscheidungen bringen mi zur Weisglut, Schweißanfälle und die Omacht is nah.
I konn mi so gut nie entscheiden.

Der Grund is so offensichtlich imma gwesn, doss es ma eigentlich schiach tuat, es erst jetzt überrissen zu haben. I BIN STERNZEICHEN WAAGE. Ausgelichen wie a Engel, oba natürlich find i olles gleich geil und kann mi nie entscheiden. LOL.

Des soll jetzt ka Ausred sein, warum i so bin, wie i bin. Eher a Erklärung dafia. Onwohl i zuageben muss, doss i oft meo Waage ausahängen loss. Beim Thema „Wo geh ma essn?“ hob i den Bonus nie entscheiden zu müssen. Will mi wer dazua zwingen, geh ma a.) nix essen oda b.) is oll mei Gehirnkraft verbraucht & i fühl mi so unwohl, doss ma a glei nerma essen gehen brauchn.

Wie a Wunder hon i imma am Ende de richtigen Entscheidungen getroffen. Imma wieder sein im Nochhinein Situationen kemen, de ma gezagt hom „Zum Glick host di so entschieden.“ Dabei woa der Kampf, bis i schlussendlich wos entschieden hon und es fuchzehn Mol obgwogn hon und drei Mol olles übern Haufn gschmissn hon, hoat.

Als Waage verspia i den Drang nach Harmonie. Dabei find i jo Musik mit gewissen Disharmonien a echt beeindruckend. Mei Warmherzigkeit, de i a wirklich besitz, geht Hond in Hond mit meiner Diplomatie. Weil es hot holt jede Gschicht zwa Seitn, jeder dazelt sei Story emotionaler und am Ende muas man holt a dronn denken, doss gewisse Handlungen nit schwoaz weiß gezeichnet sein, sundan graue Schattierungen hom. I hob Freindinnen, de sein bisi genervt von mein „olles wird guat“ und „Oba du muast de ondre Person a verstehen“ Gerede, OBA I BIN JO WAAGE.

Beispiel: Da Tom meldet sich bei da Resi drei Tog nit. Oba so a Oasch is des. So, wer is da Bese aus da Story? Tom. Jetzt frogt man den Tom a amol. Ok, de Resi hot onscheinend am Sunntog gsog er soll sich bis Freitag nit melden und sie hotn olls ghasn. Segs de Schattierungen hinta dem großen bösen Stinkefinger? Wie viel böse is er jetzt noch? Und wie unschuldig de Resi? Und wos woa Samstagnacht? Wer hot do wen obgebusselt? De Resi den Marco. Also. Wir Waagen checken sowos imma ob und denken nit immer glei es Schlechte  von Menschen. Wir waagen (LOL) des olles bisi ob.

Mei Unentschlossenheit zipft mi und mei Umfeld on. Bah, bis i amol was, wos i essen soll. Frogs mi nie, wos ma besser gfollt und holtets ma zwa unglaublich schene Nagellacke vua de Nosn. Puderrosa oder Cappuchinobraun? Bade. Anfoch bade. Welchen Film soll ma schaugn? Jo mir egal, entscheid du. I konn mi zwischen Kissing Booth und To all the boys I loved before nit entscheiden. De Froge, welchen Harry Potter Teil i am liabstn hon, tuat weh. Weil noch jedem Marathon ändert sich des. Mi zipft des selber bisi on, OBA I BIN JO WAAGE.

Wechselhaft. So sprunghaft wie a Hasl kim i ma fua. Drei Joa hob i lei Sochn mit Streifen an, seit an Joa is Gelb die Farbe to go. In Converse hab i jahrelang gelebt, heit besitz i nit mol mehr welche. I tat gern an Krimi lesen, oba hallo Lovestories tuan dem Gemüt anfoch besser. Grod hau i ma Lockn eine, merk i, wie schen i meine glottn Hoa find. I bestell ma an Hugo oba merk, doss da Lillet geiler gwesn wär. Mi zipft des selber bisi on, OBA I BIN JO WAAGE.

Von Waagen behauptet man, sie seien naiv und oh yes. I bins Gott sei Donk nerma, oba mei Vergangenheits Ich woa die Naivität in Person. Jeder Mensch is liab, jeder will mei Freindin sein, jeder findet mi so guat wie i ihn find, jeder sogt die Wahrheit. THAHAHAHAHAHAHAHA. Den Glauben schiab i wieda ob auf mei Sternzeichen, WEIL I BIN JO WAAGE.

Bräucht i jemals an Titel für mei Autobiografie wärs vielleicht „Streben nach Glück.“ Weil mia is wohl nix wichtiga auf deren Welt, als doss i imma bisi a Glück im Herzl mitzah. Jedes Problem, de mei Glück in Gefahr bringt, werd gelöst und zwoa so, doss der Glückshaushalt wieder guat steigen konn. I umgib mi nit mit Leit, deren Glücksfaktor so niedrig is wie mei Muskelmasse am Bauch. So richtig -10. A Diandl im Freindeskreis zu hoben, de lei jammat vorlauter „I mag mi selber nit“ und ihrn Freind als Glücklichkeitsfaktor missbraucht, zaht mi so obe, doss i mi do schnell entwinde aus der Freindschoft. A Person, de olles schwoaz, depat und schlecht sig, erkennt a schnell amol lei mehr meine Umrisse, wenn i aus deren Leben spatz. Bye, bye, Unglückskäfer! Also Glück und i sein best friends, WEIL I BIN JO WAAGE (&nit so bled, doss i ma es Leben noch schwara moch wie es schon is.)

Beschreibung von Waage-Menschen, de sowos von guat zu mir passn:

  • I bin liab, bis du unguat werst
    Oft her i, warum i so liab zu de „depatn“ Leit bin. Es hot anfoch jeder verdient. Doss man ihm an – zwa Chancen gibt. Oba red amol depat über mei Schwester, Freindin und Co und i sogs da, de liabe Larissa verwandelt sich schnurrstracks zur ehrlichen, konfronationsbereiten großen Schwestern, de da mit a poa Woatn so ane Watschn vapasst. Donn konnst am nächstn Tog zum Oazt gehn und checkn, wie viel Gehirnzellen i da verbal ausagramt hon.
  • Sternzeichen Waage – Eigenschaften & Charakter.pngMusic is my life
    Bis i 15 woa, woa mei iPod mei gefühlt anziga Begleiter. Schon seit Jahren bau i ma de irrsten Playlists zamm, für jede Stimmung, für jede Party. Neie Musik zu entdecken, Texte zu interpretieren und coole Ansätze draus zu nehmen, is eindeutig mei Thing.
  • Folsche Leit riach i auf 1000 Kilometer
    Du findest mein Blog soooooo super cool, du findest, doss bisi dickare Leit e nit so schlecht ausschaugn und du liebst dein Freind so richtig richtig? Schon mol wos von NLP ghert? Wer Waage is, muss des Konzept onscheinend nit beherrschen, wir homs anfoch intus. Mi onzuliagn geht lei schwa. Ehrlichkeit > lügen
  • Empathie, baby
    Eigentlich klaub i den ersten Punkt nochmol auf. Menschen, egal wer, hom es verdient, verstanden und respektiert zu wern. Waage-Menschen tuan sich do wesentlich leichter. Empathie is zum Lernen und. zum Üben, kiddos.

Ob i on den Schas mit Beziehungen und Sternzeichen glab? Eigentlich nit. NEVER EVER werd i an Skorpion daten. Woa a nie da Fall, weil i bis jetzt jeden Skorpion schon dreißig Meter ausn Feld gschossn hon, bevor er lei mol mein Nomen dafrogt hot. Wichtige Sternzeichen sein fia mi Löwe, Fische und Krebse. Mei Vati is Löwe, stark und mei Held. Fische sein holt so meine Lieblingsmenschen. Krebs und Waage sein Gefühlsmenschen, de sich onscheinend guat tuan und onscheinend funktioniert des a guat.

Libras don’t fall for  just anyone
So when they choose you
that it’s the real deal

Des hast, jeder Mensch, der a Waage in sein Freindeskreis hot, hot anfoch a Glick ghobt. Weil wir lossn nit an Haufn zu unsan Herzln und lei de Liabstn hom an Plotz. Auf de schaug ma donn a richtig guat. So guat wie auf uns selba.

Ok, der Sternzeichenwahnsinn hot a Ende.
Gehts bitte am Sunntog wählen, warum kennts do noch amol nochlesen.

Bussi.

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s