Moch holt Schluss

So unser Repertoire on Satzln, de ma nimma hern wollen, is jetzt schon a 35-seitige Listn woan. A liabs Diandl hot ma donn a noch von ian Satzl dazelt, von dem sie echt Bauchweh greg. Donn hob i so nochgedocht und mir is aufgfolln, doss es wirklich zach is.

Moch holt Schluss.

Dei Freind will nit mit dir auf die Hochzeit deiner Schwester, weil ihr erst 4 Monat zamm seids. Wos tuast??
Moch holt Schluss.

Du host 3 Tog schlechte Laune. Deine Girls glaben, es is wegen dein Freind. Wos tuast??
Moch holt Schluss.

Dei Freindin hot sich Stirnfransen selber gschnitten und is am Boden zerstört und desholb sollst du von dein Freind daham zu ihr foan. Er findet des übertrieben. Wos tuast??
Moch holt Schluss.

Befua sie mit ihm Schluss mochen sollt, mocht sie bitte mit iare folschen Freindinnen Schluss!!!!

Achtung des woa olles mit Sarkasmus überzeichnet und mit Ironie getoppt. Dabei is es bisi traurig, doss i wirklich in da Schulzeit Mädel gekannt hab, de so draufgwesn sein. Und a heite hert man noch viel zu oft „Schick den/sie holt“, wenns um a Beziehungsdrama geht. Außerdem gehts irgendwie immer lei um schlecht lafende, aussichtslose und verkrampfte Beziehungen. Schon mol ghert, doss je weniger man über sei Beziehung redet, desto glücklicher man is? Think about it. Vielleicht verlossn donn de Horrorstories den Stammtisch und werden durch positive Beziehungsziele ersetzt. Donn follen Satzln wie „Sie mocht mi echt glücklich(er).“ „Er tuat ma so guat.“ „In unserer Beziehung konn i selber a voll wochsn.“

Kema uns olle amol eingestehen, doss de meisten von uns anfoch voll auf Drama stehen? Komischerweise gibt es anfoch Leit, de zu gern fetzn und spinnen. Weil, wenn man streitet, braucht man kan Sex hoben oder konn leichter überspielen, doss man den wichtigen Monatstag vergessen hat! Des weiteren greg man vielleicht nochn Fetzn a große Portion Liebe und an mit schlechten Gwissn gekaftn Rosenstrauß. Goals. SUPER TOLL. (Ironie off)

Na jetzt amol ehrlich, wos is denn do schon wieder los. Wenn da dei Handy obefliag und an- zwa Mackn hot, schmeißest des jo nit glei weg. Wenn die Kaffeemaschin daham eingeht, bringt de Mama de zum Richtn. Hots Auto wos, stell ma s in de Werkstott. Wir reparieren solch „wichtigen“ Dinge, oba a Beziehung kema glei übern Haufn haun, wenns amol nit gonz so passt?
Natürlich wenn jetzt monatelong gstrittn werd, lei Theater is und kana von badn mehr a Fünkchen Liebe in sich trog, solln se ausanond gehn. I bin trotzdem der Meinung, doss Außenstehende do nix zum melden hom. Dieses „Moch doch Schluss“ is a Eingreifen in de Privatsphäre. Du bestimmst jo a nit fia an ondan, doss sie jetzt die Pille obsetzen muss oder doss er jetzt es Fuaßbollspielen on den Nogel hängen muss. Des sein olles so private Dinge, de jeder selber entscheiden muss. Es is sowos von nit fair, donn anfoch des hinzuhaun. Eiskolt, ohne zu Überlegen.

Also, wos konn man sogn, stott anfoch „Moch Schluss.“ ?

Mi interessiert dei Theater, des irgendwie jede Woche immer wieder auftritt, nerma. Es tuat ma lad, i will da nit zu nah treten, oba du solltest eindeutig mit dein Partner ALAN über des olles in Ruhe reden, befua du uns do olle zomm vollbleast. Es konn eich kana helfen ausa ihr zwa.
Also die Woaheit. De konsnt du oba nit zu jedem anfoch sogn. Do muas man de Person verdammt guat kennen und spian, wie man mit ihr umgehen konn. Sunst is des echt bisi sehr direkt.

Hauptsoch du bist glücklich.
Nie werd i den wichtigen Sotz vergessen. „Vielleicht bist ohne ihn glücklicher, donn muast gehn. Bist du mit ihm glücklicher, donn bleib.“ Hauptsoch du bist glücklich, is a Aussoge de sowos von richtig is. In Beziehungen vergess ma oft auf uns selba und schaun, doss man zomm glücklich is. Oba lei, weil ihm de Beziehung taug, du daran fost zerbrichst, hot kan Sinn. DU musst glücklich sein. Erinnerts de Person drann, wie sie sich vor der Beziehung gefühlt hat. Superhappyglücklich? Und des Lochen hot sie komplett valoan? Sogs ihr des, gonz dezent.

Wie konn i dir am besten helfen?
KLASSIKER! BESTE FRAGE EVER! IMMER UND ÜBERALL! 
Ongfongen bei da Mama in da Kuchl, in da Oabeit und in jeder Beziehung/ Freindschoft. Wie is da gholfn? Wos soll i tuan, damit i da irgendwie a Unterstützung bin. Ach, mei Herzl geht auf, wenn i de Frog irgendwo her. Weil vielleicht sog de Person donn lei, doss sie di in der Nähe will. Vielleicht frog sie di, ob sie Schluss mochen soll. (Dei Antwort: Hauptsoch du bist glücklich.) Vielleicht will sie a McSundae vom Mci holen und wenn nit, donn schlogst du des anfoch vua.

Homa des jetzt geklärt, warum man des nerma sogn sollt? Weils unfair is, weils ka Hilfe is, weils anfoch depat is. Werds des jetzt a nerma sogn? Hoffentlich. Werds ihr in 1,5 Wochn zur Wohl gehn? Gonz bestimmt. Darüber schreib i am Sunntog an Beitrag.

Wir segn uns am Lendorfer Nachkirchtag, Schatzis.
Bis dann. 💞

 

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s