Larissa, Fan in da 1. Reih

Die Rede is nit von an Konzert, wo i mi ganz weit vordräng. Obwohl eigentlich wohl, es geht um des Konzert, was meine Freindinnen Leben nennen. Egal, wo i auf der Welt bin, i steh bei senen in da 1. Reih und schau senen zua. Beim Leben, beim Glücklich sein, beim Erfolg hom. I feier, i tonz, i blea, i fühl, i loch.

Die J. hot Lehrabschlussprüfung. I steh mitn Sekt in da Hand vua da Schul. Zeugnistage werden schon heilos betrunken am See gefeiert, mit Scherben und Tränen.
Die T. verliebt sich & is des glücklichste Wesen, wos grod so auf Erden umaschwebt. I konn goa nit ondas, als losblean. Ungelogen sein de zwa des friedlichste, glücklichste und ausgeglichenste Paarle, wos so umalaft. De geben, de nehmen, de lieben, de leben. Bei jedem anzelnen Date woa i so nervös und wollt jedes Detail wissen. Ja, es is wichtig zu wissen, wer welches Getränk in welcher Reihenfolge trinkt!!
Die V. wird auf an Macchiatone (a klana Cappuccino, richtig italian Style holt) einglodn. Anfoch so. A Kerl steht ihr gegenüber, locht her und später beim Zohln zwinkert der Kellner lei. Is schon gezohlt, da Kaffee und ihr Herzl hergeben oda so. OLTA HALLO WIE COOL ISN DES.
Die A. hot grod die ersten eigenen vier Wände eingrichtet. Zwar ham mir de damaligen Architekturpläne nix gsog und mei Vorstellungskraft woa recht eingeschränkt. Bei SIMS 3 woa des immer a Stickl coola. Werd schon schen wern. Trotzdem woa i voll Feuer und Flamme. Bin donn durch ihr fertige Wohnung gejumpt als wärs mei eigene. Lässiges Sideboard, nice Espressotassen, siase Giaskondl.. Grod doss i den Klopapierhalter nit bewundert hab. SPASS NATÜRLICH HAB I DEN BEWUNDERT, DER IS SO GEIL. 

Es Leben schreibt de schönsten Geschichten und i schau so gern zua bei oll dem. A wenn i viel zu viel vapasst hab während meiner Zeit in Frankreich und weit weg woa, übers Telefon heat sich mei Freudenschrei vielleicht sogoa bessa on. Den passenden Tanz hama e rückwirkend nachgholt. Am Ende hot mei Auslondsjoa a bewiesen, wer de echten Freind sein. Wer bleibt da, wer woatet, wen vermisst du, wer meldet sich regelmäßig. Kennt Freindschoft Grenzen, wenn jo wie dick diafn de Mauern sein? Wie viel Kilometer hot des Herzl frei und ob wonn gibs Pendlerpauschale?
Oft frei i mi fia de Dinge bisi mehr als de Leit selba, weil i doch noch a Stickl dankbarer bin und Sochn, de man selber nit hot, schätzt man jo eigentlich leider mehr.. Anstatt des zu schätzen, wos man selber hat. Oba anyway- Jede meiner Freindinnen konn sogen, doss i mi imma 100% mitfrei. Und a wenn se lei neie geile Schuah gfundn hom. Oda weil se mol wo Eintrittskarten gwunnen ham. Oda weil se a klane Pizza bezahlen, oba a große greg ham. Mei Freid is so echt wie de Freindschoft.

Mir hom vor allem de letzte Wochen an Haufen Mädels geschrieben, de mein Blog gern lesen. Amol a Bussi on eich olle zamm. ♥️ Jede Nachricht geht ma echt nah, weil alan doss ihr eich de Zeit nehms um mir zu schreiben!!
Auf alle Fälle hot de ane oda ondre ma donn a von ihrem Männer- Dilemma dazelt. (NACHDEM sie gfrog hot, ob ma reden kennen. Sehr wichtig!) Und i hob mi do glei voll schwesternhaft über de Girls ghaut und verteidigt und senen klar gmacht, dass sie mehr wert sein als nur Plan B oder „Mingle“ Partnerin. Ihr seids doch olle so viel wert!! Und für solche zauberhaften Wesen frei i mi genauso, wenn se glücklich sein. Wenn se wen finden oda den Weg zu sich selber finden. Wenn sie sich im Spiegel anschauen und denken, doss sie toll sein. Seids jo a!
Women support women, wer braucht schon Neid und Hate. Die Falten kumen fria gnuag. Also a für quasi Fremde frei i mi mit. Universum, i hoff du schreibst mit. Warum? Weil i am Ende mi a frein tat, wenn sich ondre für mei Glück (mit)frein. Und Gott sei dank hab i so Freindinnen und a „lei“ Bekannte, de so sind. Hier a Nachricht, de ma de Tränen ausadruckt. 

IMG_0863

Menschen, de voll hinta dir stehen, di bei jedem Schritt supporten und trotzdem manchmal angebrachte (!!!) Kritik dalassen, sein Glücksfaktoren. DANKE DANKE DANKE.

So, Larissa, der Fan in da 1. Reihe is fertig. Hab es kaum awoatn kennen, eich endlich wieder im Arm zu halten. Hob ongfongen eich so zu vermissen, doss es schon richtig weh geton hot. Im Herzl und im Bauch. 

Auf doss de Freindschoften fia imma holten. Und doss jeder, der momentan in so toxischen Beziehungen steckt, sich löst und Wert auf die richtigen Freind setzt. Ihr brauchts de Freindin, de nur eifert, nit. Spoats eich den Freind, der sei Girl immer über olles stellt. Niemand konn auf Menschen zählen, de Geld und sich selber als anzige Lebenspunkte onsegn.

Um guate Freinde zu findn, muas man holt selba a a guata Freind sein!! 

Noch a poa Randinfos, de ihr eigentlich e schon glesen haben solltests, aber sicher ist sicher:

So wir haben September, der Herbst wird goldig. Daher bring i a bisi Ordnung in mei Blogleben. Jeden Montag in da Fria zwischen 8 und 11 findets ihr auf Instagram und Facebook an Montagsgedanken. Monday thought. Monday inspo. Whatever. Damit ma schöner, leichter, inspirierter in de Woche starten. Auch für die nicht socialiser is es zugänglich, weil ihr meine Seiten auch ohne Login findet. Aber besser is es mir zu folgen, you know!!
Jeden zweiten Dienstag um 10 Uhr ab 3.9 kommt was für die Bücherwürmer. Zitate, Buchtipps, alles rund um Bücher. Des werd i auf Social Media weniger bewerben, aber es is da. Donnerstag und Sonntag kommt ab sofort immer um 10 Uhr (!) a Beitrag online. A wenn i des auf IG später bewirb, ab 10 Uhr kennts auf mei Homepage gehen und lesen. Also des startet glei heit. Mittwoch wird mei Social Media freier Tag, weil sowas sollt jeder ham. A privat. Bis Ende des Jahres hab i schon Ideen, natürlich frei i mi immer über neuen Input, Themen und Feedback.

Danke und Bussis.❤️

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s