Wie werd man cool?

Wir wollten doch olle in da Schul nur ans. Zu den cool kids kern. Wer ans von den cool kids woa, hot sich über de uncooleren Mitschüler wohl bisi lächerlich gmocht. Des is halt der circle of school, oda so. Dabei hätt ma domols lernen sollen, wos wirklich COOL is.

Es is nit cool, über ondre zu lochn, weil se dicka/ dünner/ ondas sein.
Es is nit cool, ondre auszulochn, weil sie richtig guat oda echt mies in da Schul sein.
Es is nit cool, jemanden bloßzustellen, um selba cooler zu wirken.
Es is nit cool, Respekt und Benehmen daham zu lossn.
Es is nit cool, wenn man de teuersten Klamotten an hat.
Es is nit cool, sein Coolness anhand von Geld zu werten.
Es is nit cool, ondren weh zu tuan, egal auf welche Oat.
Es is nit cool, 323240 mol zu erwähnen, doss man selber ka Zahnspange oder ka Brille braucht. (Spoiler: Auf da Uni brauchen se doch olle donn a Brille)
Es is nit cool, ständig über de jugendliche Akne herzuziagn. Akne is nit grausig, Akne is nit ansteckend, Akne is von niemanden de eigene Schuld.
Es is nit cool, irgenda Form von Gewalt anzuwenden.

Jetzt kema zu den coolen Dingen, de echt cool sein. OH GOTT WIE OFT WERD I NOCH KUHL VERWENDEN???
Dabei muas des nit lei in da Schul ongwendet werden, ihr kennts a noch später cool wern. Cool sein hast nämlich nit Konkurrenzkampf sundan Zommenholtn.

Pünktlichkeit
I nimm mi selba on da Nosn, weil i holt olles ondre als a pünktliche Person bin. Dabei is des sowos von geil, wenn de Person imma pünktlich on Ort und Stell is. Ausgmocht is 13 Uhr und de steht um bisi vua ans vua deina Tia. Wie cool is des? Du muast nit nochmol den Schlog fian Kuchn in Kühlschronk tuan. Du muast nit den nächsten Termin noch hintn vaschiabn. Du muast nit zwanzig Minuten am Kuchltisch huckn und woatn, bis de Person aufkreizt. Es beste, ihr kennts de gemeinsame Zeit, de e lei begrenzt is, so richtig auskostn. GEIL.

Tian aufholten
Huch, Gentleman- Move Nummer 1! Egal ob Auto-, Haus- oder Eingangstia. Egal ob Bua oda Diandl. Wer de Tian aufholtet, den kert de Welt. Na ehrlich, denen wern donn de Tian fia de Zukunft geöffnet hihi. Weil es is so wenig Oabeit fia so a coole Aktion. Perfekt zum Eindruck schindn!

Zuageben, Unrecht ghobt zu hom
Des is nit lei cool, des is schon fost sexy, tat a guate Freindin sogn. Dazua zu stehn, doss man selber Fehler mocht und nit immer auf da richtign Seitn steht.. Des is anfoch cool. Menschlichkeit zagn is cool. Bitte, bitte, bitte mehr davon!

Ondre beim Nomen onredn
Hach, des tuat so guat. Wenn wer sog „Guten Morgen, Larissa.“ Oder „Danke, Larissa.“ Des untermolt anfoch glei des gonze Gespräch. Gibtn a intimere und persönlichere Ebene. Gwöhnts eich on, Leit beim Vornamen zu nennen. Beim Thema Nachname bin i bisi gspoltn. Bei monchn Leit passts anfoch, oba ob und zua klingt des donn so hoat. Oft gibs Menschen, bei denen was i donnn nit mol wie se in Echt hasn, weil se jeda beim Familiennomen nennen.

Zettelchen schreiben
In da Schul homa so oft Ärger dafia greg, oba eigentlich is es anfoch a coole Geste. Pickt am Bodspiagl a „I hab di lieb“ Post-It. Steckt in da Toschn a Schokolade mit an „Du pockst des schon“ Nervenfutterzettel. Findest am Kuchltisch a „Schenen Tog eich“ Nachricht. Es is erstens cool, zweitens instagramable und drittens bisi retro.

Zuahean lernen
Es is so anfoch, oba doch so schwa. Jemanden ausreden lossn, sich drauf konzentrieren, wos er so sog und erst donn ontworten, wenns gewünscht is. Oba wenn Leit zuahern und donn sich im besten Foll a noch aniges merken- J A C K P O T.
Zum Glick merk i ma guat Klanigkeiten, de mir Leit dazelen. So findet a Freindin untam Christbam ane Ringe fian Zeigefinger, weil se ma des mol im Summa dazelt hot. So londet auf Mama ihrn Nochtkastl de neie Schokolade von der se ma mol vuagschwärmt hot. So ruaf i pünktlich nochn Date von da Freindin on, weil i gwusst hon, wonn es stottfindet. Zuazuhern und den ondan redn lossn tuat badn guat. Des is a wichtiger Teil vom Thema Freindschoft. Zu den wichtigsten „Beziehungsregeln“, de oba auf jede Oat Beziehung abpausbar sein, kumt a bold a Beitrag.

Wos Neies lernen
Jetzt erinner i mi grod recht unfreiwillig, doss i endlich Tonzn lernen sollt. Ok, gestern Abend hot mi a schon daran erinnert. Also Paartanz, damit i ma poa fesche Typis bei de Kirchtoge aufreißn kinnt. Wenn i des wollen tat.  Es is richtig cool, wenn Leit in mein Olta noch a Musikinstrument onfongen. Weil es im Erwachsenenolta mindestens doppelt so schwer is als im Kindesolta. Weil als Kind tuast anfoch ohne noch zu denken, heit was man, wos des olles Oabeit is. Oda a wenn man beginnt, a Sproch zu lernen und de in kürzester Zeit a voll drauf hot. I bin voll da Fan von Menschen, de sich traun, Neies zu lernen und des donn a hingregn.

anfoch KINDNESS (Freindlichkeit) zagn 
Da Kassiererin sogn, wie cool ihr neie Brille is. Amol de Nochbakinda auf a Eisl einlodn. Da gestressten Mama im Gschäft helfen, de Sochn aufs Bandl heben. Unaufgfordert sei Hilfe onbieten. Anfoch wen amol ins Gsichtl lochn.
Schmeißts mit Freindlichkeit uma, als warats Konfetti. Weil des anfoch cool is und guat tuat.
Oda anfoch mol spenden. Egal wos. Tierschutz, Krebsforschung, Familien in Not, akutelle Situationen. EGAL WOS. Eich tuats nit weh, wenn ihr mol 10-20 Euro spendets und es konn damit schon so vü geton werden. Aktuell gibs e a großes Thema, de Amazonas-Brände. Unser Daham steht in Flammen, maybe sollte man do on anige Sochn denken, de man ändern könnte. Es gibt e ZUM GLÜCK überall genug Infomaterial, vor allem online. Bisi informieren, bisi lesen, bisi cool sein und wos ändern und helfen.
Weil welches Daham bleibt uns, wenns unsa Welt nerma gib?

So jetzt fühl ma uns wohl olle bisi cooler oda? Donn gehts ause in de Welt und zags a bisi Coolness!!

❀bribowyerr❀.jpg

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s