Breakfast at Larissa’s

Frühstücksdates sein ehrlich de besten Dates ever. Des sogt die Frühstücksverschmäherin höchstpersönlich, für de a schwoaza Kaffee und a Glasl Wossa  als vollwertige Mahlzeit zählen.

1cf985d3-a054-42b1-896d-a0f4d009c33d.JPG

 

 

Morgenstund hat Gold im Mund sogn olte Leit, oba onscheinend ker i do jetzt a dazua. Weil sich um 9e mit wem treffen, hot soooo viel Vorteile. Man hot amol voll viel vom Tog, startet glei positiv und jo.. Food holt!

I hab a paar Frühstückslocations fia eich in Oberkärnten/ Osttirol, weil i jetzt echt schon oft und guat fooden woa. Egal ob mit da Mutti, mit Freindinnen, alten Bekannten oder an Boy.  Zu ana klanen Dategschicht kema bisi später..

 

Lienz
Start ma glei mit meiner Sonnenstadt. 🌞 I lieb Lienz, weils so klan is, weil de Leit so liab reden und oh Gott es is anfoch schen schen.

Bäckerei Gruber
Ach, de Bäckerei is so herzig. Hinten im Gastgoatn hot man es so bequem und konn de Sonnenstrahlen richtig guat genießen. Es gibt a super Auswahl und da Kaffeetschi schmeckt richtig guat. De Bedienung is voll sias und hma. Anfoch sias olles zomm.

Grandhotel Lienz 
Des is eigentlich DER Frühstückstipp deluxe. Also wer mol richtig punkten will bei den Eltern, beim Partner oder bei wem a immer- OB INS GRANDHOTEL!!!! Des Buffet is göttlich. D E L I C I E U X ❤️
Man fühlt sich so special, wenn man do einegeht. Do werd an de Jackn beim Eingang abgnommen, hallo hallo!
Unser Kellner damals woa so a siasa Kerl, bist oag. Der hot uns behondelt, als wärn de Viola und i Prinzessinnen. Wir brauchen jetzt nit so tuan, als tatets ihr olle nit wissen, doss wir wirklich Prinzessinen sein. I man, de Viola und i SEIN ohne Froge Prinzessinnen, oba der Kellner hot des holt nochmol untermoln.
De Auswahl is so groß, doss man davua am bestn drei Tog nix essen sollt und danoch braucht man a guate 2 Tog nix mehr. Olles is frisch, olles is geil, olles passt anfoch.
Kloa losst man an Potzn Geld fia a Frühstück liegen, oba gonz ehrlich, i zohl do liebend gern de 26 Euro 50 und bin zu 110% zufrieden, onstott doss i wo 10 Euro loss und nix davon hob.
I muss do sowieso bold mol des Dinner a probieren und den Wellnessbereich, es nutzt nix. Lei damit i eich davon wieda vorschwärmen konn!

IMG_2168.JPG
Prinzessin Viola im Grandhotel.

Spittal
Hometown, oder so.

Frau JOT Coffee& Kitchen
Gsünder gehts nerma! Frau JOT zaubert aus Gemüse und Obst so guate Smoothies und Shakes. Neben den klassischen Spezialitäten wie Croissants und Vital Frühstück bieten se do anfoch so viel mehr on. Mei Mutti tat sogn „fancy modernes Zeig, wos guat schmeckt.“ Overnightoats, Bagles oder a vegane Kuchen findet man. Für mi a echte Bereicherung in da Stadt. Täglich wird frisch gebacken und somit hat man eigentlich immer wieder a neue Auswahl. Wirklich cool find i, dass des Mittagsmenü sehr green und gsund is. De Salate und Suppen ersetzen mol de Leberkassemmel und schmeckn genauso guat!

IMG_1711 2.JPG
Moser to-go haut a super hin!

Moser
Klassiker anfoch. Beim Moser a Fruchtbombe oder  hast des Vitaminbombe und dazua a Sachatuatn mit an Haufn Schlog. BALANCE nennt sich des.
Da Moser is schon seit da Schulzeit der place to be. Punschkrapfl, Kropfn, Törtchen.. Olles. Vor ollem siase Mäuse wern sich frein über de Frühstückskoatn.
Am Christkindlmoakt hom se BTW den geilsten Orangenpunsch!!! Wonn mocht der endlich wieda auf?

Schnell a Stickl Kuchn mitnehmen zua Freindin? Da Schwiegermutti a Freid mochn mit bisi ana Tuatn? Sich bei an Kollegen einhaun? Moser machts möglich!!

 

McDonald’s
Traut se sich im Ernst, neben an 5 Sterne Hotel de Fast-Food-Kette einzubaun? Oh jo, traut se sich. Weil meiner Meinung nach, hot da Mci in Spittal anfoch den besten Kaffee. Ohne Witz, de Kaffeemaschin, wos des McCafé verwendet, is ka Schas. Des schmeckst jo a. Außerdem greg i sunst nirgends mein Iced Caramel Latte Macchiato in Spittal.
IMG_1484 2.JPG

Obwohl ehrlicherweise muss i sogn, darf man des nit als vollwertiges Breaki onsegn, sundan mehr als Coffeedate mit Mehlspeise. Obwohl des Frühstück, wos ongeboten wird, a voll ok is.

Döbriach
Charly’s Seelounge
Oh mein Gott, des is a so a Highlight. Sunntogs hom de immer Brunch direkt am Millstätter See. Reservieren und genießen. Preis-Leistungs- Verhältnis passt so guat zomm, weil de sogoa a Heißgetränk dabei hom beim Frühstück. Der frischgepresste Soft, de extra zubereitete Eierspeis.. es is für olle wos dabei, es bleibt ka Wunsch offen und des Ambiente is holt genial. Noch schnell sein, den Brunch gibs nur bis Anfang September!!

Solltets ihr mal in London sein, des Café woa wohl de perfekte Instagramlocation mit echt leckeren Food und cutem Personal!!


Daham

e0a0552d-67f6-47e9-8f9b-5d429d4b9846-2.jpg

Egal ob jetzt bei mir oda bei wem ondan daham, Frühstücken à la maison is anfoch schen. Gonz ungezwungen, gonz stressfrei und man hot sei Ruah. Schnell konn man ane Pancakes mochn oder Waffeln zu bereiten. Wer gscheid is, bringt anfoch an Tag (Teig) mit und da ondre hot weniger Oabeit. Sollt zwenig Zeit sein, gehts anfoch in de nächste Konditorei und nehms ane Kuchen anfoch mit. 3-4 verschiedene Stickln und olle hom a Freid. Nehms a fia de ondan Leit im Haus wos mit, so wirkt man glei als perfekter Gast! Obstsalat konn man schnippeln, Bananenmilch konn man mochn oda olle möglichen Smoothies. Den Ideen sein kane Grenzen gesetzt und i glab, lei Buttersemmel und Rührei konn man sunst a immer mochn. Oba wos richtig geil und easypeasy is, Schnittlauchbutterbrot mit Radieschen. Vergessts nit a guate morningvibes Playlist einezutuan, i kennts dafia gern meine auf Spotify stibitzn.

Klana Tipp- glei als 1. Date a Frühstücksdate daham vuaschlogn is erstens an Haufn Oabeit und zweitens miasts aufpassen, doss ihm nit glei de Schwägerin, da Onkl, de Oma und de Cousine 3. Grades übern Weg lafn. Weiters werd de komplette Nochbaschoft frogn, wen der schicke Familienwogn fua da Tia kert. Führt bisi zu stressigen Situationen seinerseits. Oba wenn er des überlebt, bleibt er eich e fia länger. Genug Beziehungstipps von da Expertin, LOL.

Tat eich jo olle gern mol zum Frühstücken einlodn. Oda i hätt gern mit irgendan Frühstücksspot a Kooperation, wo i jetzt a Frühstück verlosen kinnt. Oba sorry, is leider noch nit passiert. Wär i reich, tat i eich einlodn, nur damit ihr des wissts. Und wenn i gnuag Zeit hätt, tat i e jedn Tog mit wem wo frühstücken gehn.

Also auf wos woatets ihr denn noch? Ruafts eire Leit on, schreibs eiern Schwarm oder reservierts als Überraschung für wen an Tisch. Und genießts de gemeinsame Zeit. ❤️

img_2580.jpg

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s