Du bist so stoak

Hi du,

egal mit wos du grod zu kämpfen host, sei es mit dir selba, fake friends oder dem bitterbösen Leben. I will da lei sogn, Respekt. Bin echt erstaunt, wie viel a Person ausholtet und wie stoak du eigentlich bist.

Mir is schon kloa, doss dir des fost nie wer sog oda vielleicht sogoa nie. Oba jetzt tua i des wenigstens amol. Dabei brauchst du des goa nit, weil du e selber genau wast, wos du fa Wahnsinnsmensch bist. So a richtiger Wunderkerzenmensch bist du, von de es vü zwenig auf da Welt gibt.

Du bist nit zu emotional. Folls dir Sochn glei „zu“ nahe gehn, du bei jeder nettn Nochricht glei losbleast oder generell nit nah am Wasser gebaut bist sundan eher IM FLUSS MITTENDRINN steckst. Des is vollkommen ok und akzeptabel. Wieso sollt sich wer es Recht nehmen und darüber entscheiden zu dürfen, ob du jetzt zu einfühlsam bist oda nit? Des mocht di zu kan Sensibelchen! Außerdem is es a komplett egal, welches Geschlecht du host. Gefühle sein nit nur Weibis vorbehalten!! Du losst Emotionen zua und losst di des spian, wos grod so über di kumt. Dei Körper kämpft mit oll den Gefühlen und jedes anzelene wär gern es wichtigste. Sei es Wut, sei es Freude, sei es Ongst. Oll de Emotionen sein a Teil von dir und sein a fia dei Verhalten, dei Einstellung und deine Gedanekn zuständig. Se zu unterdrucken, se zu ignorieren oder se zu verglimpflichen wär lei a Bledsinn. Du bist jo so a Seele, de zu ihren Emotionen steht. Wer seine kennt, konn de von ondan noch besser einschätzen. Du bist a Person, de merkt, wenn jemand a echt großes Herzl in sich trogt. Des schätzt du donn a. Genauso merkst du a glei, wenn Menschen do sein, um di auszunutzen. De wollen dei Kraft, dein Erfolg und maybe sogoa dein Partner hom. Gregn se oba olles nit, weil sie es nit verdient hom. Im Gegensotz host du dafia OLLES verdient, wos du da so wünscht. Weil du wos dafia tuast, weil du on dir selba oabeitest, weil du fia deine Ziele riskierst und weil du deine Prioriäten so setzt, wie s sichs fia di richtig onfühlt.
Du kämpfst um olles, wos da am Herzn liegt. Dei Herzl is da wichtig und du tuast olles dafia, doss es heil bleibt. Du host es ehrlich verdient, doss du do lei Menschen einelossest, de es a wirklich vadient hom.

Du bist nit zu schwoch. Folls du Sochn aufgibst oder beendest, dei Studium/ Oabeit wechselst oder di verletzlich mochst. Des sein olles menschliche Dinge, fia de du bei niemanden (außa bei dir selba) a Rechenschaft schuldig bist. Seima uns ehrlich, du bist sogoa verdammt stoak. Wie viel Leit kemen aus da Comfort zone nit ausa, mochn ihr Leben long es gleiche, obwohl sie es goa nit wollen? Wie mutig is es bitte, mol nit mit dem Strom zu schwimmen und aufs Herzl zu hean. Wenn di wer frog „Warum tuast du des?“ konnst du mit guaten Gewissen ontwoaten „Weil es mi anfoch erfüllt und glücklich mocht.“
Wenn du Glücklich sein zu ana Priorität mochst, host du es schon weit gschofft. Wast du, doss du mit an Lächeln auf den Lippen so vü schena ausschaust? Glücklich steht da ziemlich guat!!

Du bist nit zu nett oda zu guat. Kindness wird niemals a Schwäche, lei a Stärke sein. Empathie wird nie unnütz sein. Es wird sich nie wer beschweren mit den Worten „Du verstehst mi zu guat, des passt ma nit.“ Natürlich gib es leida Menschen, de dei Hilfsbereitschaft und Co. lei ausnutzen wern, oba sigs doch so. Somit host du wieda glernt, doss nit jeder gleich is und nit jeder de selben Prioritäten und Selbstverständlichkeitsansicht hat.
Menschen, de di als zu guat onsegn, hom di anfoch nit verdient in senan Leben. Se segn di und denken sich, doss sie zu schlecht sein. Befua se oba sich selber schlecht reden, vadrahn se dei Stärke zu ana Schwäche. Sigst du, wie schnell man a Mindset tricksen konn? Also hea nur auf Leit, auf de du bauen konnst. Soll i da wos varotn? Gonz oft bist du alan de anzige Person auf de du hean solltest.

Menschen kennen ondan nit verzeihen, weil se sich selber nit verzeihen kennen. Sie kennen nit lieben, weil se sich selber nit lieben. Sie schätzen ondre Menschen nit, weil ihnen des Selbstwertgefühl fallt. De Beziehung zu sich selber is so wichtig, so wie se a schwa is. Oba der Progress, der Weg is es anfoch wert. Bei dem Punkt, wo du grod ongelongt bist, bleibst du nit stehn. In 3 Monat denkst hinta auf meine Worte und werst lochn und wissn, doss du schon so viel weiter kemen bist. Weil du anfoch fias Aufgeben ka Zeit host und du endlich vastehst, wos fa toller Mensch du eigentlich bist.
Denk mol kurz 3, 9 oda 12 Monat hinta? Wos woa do, wer woast du do und wos hot sich geändert? Egal, wos passiat is, du bist heit gonz bestimmt gscheida und stärker. Es Leben is da beste Lehrer. Glab ma, noch da Schulzeit hob i so viel mehr Dinge begriffen, als i in da Schul jemals aufgetischt greg hon.

Es is so stoak, weiterzuleben, obwohl du momentan vielleicht goanit wast, wie du tuan sollst. Oda du goa ka Lust mehr host. Moch anfoch weiter, gib lei nit auf. Egal, welche Struggles sich grod auftuan, aufgeben tua ma lei an Briaf. Im besten Folls an Liebesbriaf. Natürlich is es komplett normal, doss du Toge host, wo du di nit stoak fühlst und am liabstn aufgeben tatest. Tuast du oba nit, weil du so a stoaks bist!

Du bist wie de Ronja Räubertochter, wohl mei Lieblingsbuchheldin ever. Solltest du a Bua sein, bist holt a Ronni Räubersohn. Frech, stoak und sowos von mutig. Du würdest doch a jedn Kampf gegen böse Jäger gwinnen, würdest bei jeder Fetzerei als Siega ausastarten und niemand kinnt dei wildes Herzl fongen. Mutig zu sein is wohl ane der coolsten Eigenschaften überhaupt und glab ma, dir kert de zua gschrieben!

I was genau, wie schwa es Leben oft sein konn und wie unfair monche Wesen auf dera Welt sein. Oba loss di lei nit untagregn. Glabst du, de gehn am Obend mit an guatn Gefühl liegen? Nope. Du bist ondas. Mit solchen tollen Menschn wie di auf da Welt konns lei bessa wern.
Du steckst ondre on mit dein Willen, deina Kraft und dein Mut.

Vasprich ma oba bitte ans, gib di niemols unta dein Wert her. Gib di selba und a nit deine Träume, Ideen oda Ziele her, lei ums ondan recht zu mochen. Egal, wer de ondre Person is, Eltern, Partner, Freind, Gschwista.. wirklich niemand darf es wert sein, doss du di aufgibst. Nur damits jemand ondas bequema hot, muast du do nit di zreissn. „Leichter gsog ols geton“ denkst du da vielleicht, do host du a recht. Oba es wird es definitiv wert sein, glab ma.

Aus tiafstn Herzn wünsch i ma fia di, doss du olles erreichst, wos du erreichen willst und olles gregst, wos du hoben willst. Olles, wos du so durchstehen musst, bereitet di lei auf des vua, wos du am Ende gregst. Jeder Liebeskummer, jeder Verlust, jeder Fehler .. oll des sein Gründe dafia, wer du heit bist und wer du in da Zukunft sein wirst. Du mochst dein Weg schon.

Du bist ane/ ana von de gonz Stoakn.
Irgendwo auf der Welt gibs immer an Plotz fia so wilde Herzln und guate Seelen.

Moch weiter.
Keep goin‘
I bin stolz auf di,

Bussi, Larissa

IMG_1237.JPG

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s