How to Freinde vajogn

I kenn an Haufn Kandidatinnen und Kandidaten, de gonz genau wissn, wie se senre Freind vatreibn. Oda bessa gsog, sie tuan so, als wissen se des nit, oba am Ende huckn se donn do und wundan sich, warum sie von ihre 2 Leit donn olle valoan hom. Is doch normal, wenn man sich so auffiat, find i holt. Achtung, ehrlich, der Beitrog enthält mehr Sarkasmus wia de meistn vatrogn. Also nehms des olles nit zu ernst und lochts a bisi.

Spinn bitte imma uma, Grantnzipf

Egal wos is, spinn anfoch uma. Dei Freindin hot dir gsog, du sollst mol aufhean, imma lei übern X zu redn. Du spinnst uma. Deine Freind gehn heit olle ka Feiawehrübung. Du spinnst uma. Dei BF foat zu seina Wabn. Du spinnst uma. Dei Girl hot noch 3 Joa Beziehung a Trennung hinta sich und will sich holt mit dir grod nit wegschiasn. Du spinnst uma.
Komplett egal welche Situation is, loss jo ka Chance aus, Theater zu mochn. Weil jeder steht auf Drama und jeder mog des so, wenn de Freind spinneta sein.
Eigentlich sog i jo imma, du sollst di mol selba ausstehen kennen, weil wie sollen des deine Freinde kennen OBA heit sog i des nit. Heit sog i, spinn lei uma, so wirst deine Leit echt flott los. Weil mit so an Grantnzipf konn man sich lei ärgern und negativity> postive vibes in dein Leben.Yessssssss.

Kritisia deine Freind ollweil

Marie, du host holt immer noch nix obgnommen. Lux, du findest ka Freindin, weil de komplett schiach bist. Anna mit de schiafn Zehnt werst nit mol von an Hosn ongrammlt. I find dei Einstellung komplett depat und so wirst du nix erreichen. I akzeptia dei Meinung nit, weil meine vü besser is. Im Gegensotz zu dir hob i mei Leben im Griff.

Mir follt decht nix Gemeineres mehr ein, wos man so seinen Freind sogn konn, wenn man will, doss se sich schlecht fühlen. Will man, doss sich Freinde schlecht fühlen? OH YES: Wennst se vajogn willst, is des echt super. Fia wos sollt man hinta wem stehn, fia wos sollt man ondare Meinungen akzeptieren. Moch deinen Freind kloa, doss du wos bessas bist, donn glaben se es da a. Donn bist du nämlich der coolste Knedl in da Runde. Und um des tats jo genau gehn, oda?

Gleiches Spiel im Thema Liebe. Egal, wen dei Freind oda Freindin mitzaht. Du mogst de Person anfoch nit. De konn lei depat sein, weil de Person braucht jo kan. Zommen Single sein, is so vü geila. Wast e, Beziehung bedeitet Zweisamkeit, do host du gach kan Plotz. Pass auf, doss der Fremdling sich wieda schnella zupft, wia er kemen is. Brauch ma nit, thank u next!

Nur DU zählst, kane ondan Freind

Wah, du gregst an Schleim, wenn dei Freindin dazelt, doss sie mit ihrer SCHWESTER an Kaffee trinken geht. Wie konn se lei? Schwestern sein jo nie im Leben so wichtig wie ABFFIUES. Du host an guatn Grund zum spinnen.
Freunde sein wichtiga wie de Familie, Wossa is dicka wie Bluat.
Oba wenn se donn depat wern deine Leit und sogn, se nehmen heit mol an ondan Freind mit ins Peharz, glabst, herst nit richtig. Wieso sollt de eingeschweißte Gruppe (du und dei Girl/Boy) zerstört werden?

Bled is, wenn man lei 1-2 Freind hot, doss man auf Privatparties kan kennt. Also geh Ma do nit hin& wenn de Freindin einglodn Is, zwing Ma se zum dahambleiben. Gonz anfoch.
Du host Somstog mol kan Bock auf fuatgehn und schlogst fua, daham a Lilletflaschl zu knacken. Dei Freindin sog oba, sie geht liaba mol mit ana Schulkollegin fuat. WIE BITTE?
SPINN SUFUAT UMA, MOCH A THEATER, MARKIER DEI REVIER!!!!!
Wos soll denn des?  Es steht jo schon in da Bibel, doss man lei an Freind hom konn, oda?

Wo bleibt der Freindschaftsvertrag, wo des steht? Suachn ausa, fälsch ihn und leg ihn dem Verräter vua!!!

Beonspruch deine Freind 24/7

Sie geht im Ernst liaba auf de Hochzeit ihrer Cousine (phahahahahahah you know Friends > Familie) anstatt mit dir Maturaball von deiner oltn Schul. Er oabeitet 40 Stunden und muss donn noch Obendschul gehn, so oam, hot er goa ka Zeit fia di und a Feierobendbiale. Du host jedn Mittwoch ob 13 Uhr frei und sie nit, tat sie nit auf de Idee kemen, ihrn Dienst zu tauschen. Depate Olte.
Am besten Hochzeit obsogn, auf de Matura scheißn und den Dienstplan noch dir richtn, hob i recht? Jo komplett logisch. DU bist so vü wichtiga wie Zukunft, Familie und Oabeit.

Gonz depat is jo, wenn se mol an Freind daherzaht. Mit dem wird e in an Joa aus sein, donn kennts nämlich wieda voll eier Singlelife feian und eich a poa Tequila und Boys gönnen. So oam, doss se di nit mol gfrogt hot, ob du einverstanden bist, doss sie jetzt do ihr Monogamieleben beginnt und damit eia Freindschaft gefährdert. Weil is jo logisch, wer in ana Beziehung is, vergisst imma seine Freind. Also verbiet ihr anfoch de Beziehung, red se ihr aus und suach richtig grausig glogene Fakten über den Typen ausa. Is doch so vü bessa so.

Sog lei ehrlich und laut, doss du wichtiga bist. Sollt des nix nutzn, fong wieda a Theater on. Ihr Boy is jo nix wert. Moch ihr im Notfoll bisi Ongst und dazel, doss du glabst, er is nit so a treue Seele. Irgenda Freindin von ana Freindin von da Cousine von dein Exschwoga hot doch sia mol wos mit ihm ghobt..

Tränendrüse is a immer a hasa Tipp, so kumt Emotion ins Spiel.
Oda schrei komplett depat uma und has sie olles, weil sie is jo nix wert dei Freindin. Also bitte, a Hochzeit is doch nix bsundas. Und Dauersingleleben findest du geil, donn muss sie es a geil finden.

Oba hob jo nia Zeit

Oba moch da kane Sorgn, doss du da jetzt imma Zeit nehmen muast, wenn de ondre e noch deiner Pfeiffn springt.. Du selba ziagst jedn One Night Stand vua, verstanden? Du konnst deine Freind wohl fia a poa Stund vasetzn, juckt jo kan.
Loss se lei beim Fuatgehn imma brav stehn, wennst a Schmusarei aufdazahst.Da Autofora konn jo vua da Haustia schlofn. Du muast fia dei Matheschularbeit so viel lernen, des muas da ondre vastehn. Is jo egal, wenn du bei seina Matura gspunnen host, warum er drei Wochn ka Bier trinken gehn wollt. Holt da imma fua de Augn, wos fa wichtiger Mensch DU bist.

Dei Zeit is heilig, dei Zeit is kostbar. Des miasn de ondan lernen und spian.

Hear anfoch nix zua

„Wos du gehst ins Auslond? Seit wonn kimstn auf de Idee? Aso.. Seit 3 Monat redest davon? I was e..“

Fia wos solltest du imma wissn, wie es deina Freindin geht? Hot jo heit erst 3 mol gfrog, wie s dir so tuat. Sie hot nochn 29. Mal erwähnen, wie oam du es findest, doss dei Typ da nerma gschrieben hot, nix mehr drauf gsog. Frechheit. Deine Freind frogn nit nochn Date, von dem du senen oba eigentlich nit mol wos dazelt host. Warum solltest du donn zuahean, wenn se von sena Freindin dazelen oda von senan Obschlussprojekt?

Olta bitte es is jo SO UNWICHTIG ob sei neie Wabn jetzt Fabienne oda Florentina hast! Olles es gleiche. Schaug jo e aus, wie de vier Mädels vua ihr.. Vuanomen merk ma uns erst, wenn de Hochzeitseinlodung einaflattat.

Es is nit schlimm, de gonzen Allergien und Hassdinge von Freinde zu vagessn. Mei, des bisi Erdnussn in dein Kuchn wern dei Freindin schon nit umbringen!! Laktosefreie Milch oda a nit, des merkt der doch nie!!! Du buchst Kletterurlaub und dei Freind hot Höhenongst, jo mei, des werma ihn schon ausatreibn. Bitte, du bist nit vapflichtet, imma auf deine Leit zu schaugn.

Du brauchst nit dei gonze Energie zommsommeln und deine Freind imma zuahean. Goa nit zuahean musst, des is so onstrengend. Tua bei „ernsten“ Gesprächen daneben bisi Snapchatflammen sammeln oder umatindan. Hot jo genauso vü Sinn, vielleicht glab dei Gegenüber, du heast jo e zua. Da Schein reicht.

Und sollt dei Freind so a Quasslstrippe sein, erwähn beim nächsten (von dir angezettelten) Streit, doss er da nie zuaheat oba soooooo vü redet. Du muast da imma Zeit fia ihn nehmen und oh Gott, des geht so auf deine Nerven. De Freindschoft is zvü fia di, du gibst mehr wie du gregst.. Oams Haschle du.

Red ruhig lei üba di

„Er hot mi valossn..“ Jetzt jo ka Mitleid zagn!!! Also sog anfoch „I BIN SELBA FUA 825 TOG VALOSSN WOAN UND IMMER NOCH NIT DARÜBER HINWEG, JUCKT DI JO A NIT“
„I scheiß mi so fua da Matura on.“ Werst du jetzt Beruhigungsapostel spielen? „Olta heast i hon morgen a Diktat über das/dass- Schreibung, des is so viel schlimma wie de Matura. Konnst du aufhean, immer lei so zu tuan als wär dei Leben schwa?“

Lenk anfoch imma jedes Thema auf di selber. Tuat da jo viel bessa, is jo viel intressanter. Konnst jo dazua stehn, doss dei Leben es wichtigere is…

IMG_9457
Kum beim Augenüberrollen nerma noch 

I sogs eich, sogoa mia woa der Sarkasmus jetzt grod a bisi zhoat.  Obwohl i ma sicher bin, anige denken holt echt so.Und on olle, de sich bei a poa Phrasen denken „Hjo, upsala, des kinnat glott i sein.“ Bitte änderst des Verholten, is jo depat, nit?
Man konn lei guate Freind findn, wenn man selba a guata is.
Beste Freind findet man lei, wenn man selba da best friend ever is. (Sowie i circa LOL)

Zur Beruhigung, doss i gach echt so ane Wesn in mein Leben hob, kumen echte Fotos von meinen Girls, weil Liebe. ❤️ Zwischen Brest, Straßburg, St. Pölten, IBK und daham.

 

Endlich konn i mol des (endlich a live gherte) Fav Liad von James BAE oda Bay einbauen:
And you don’t have to care, so don’t pretend
Nobody needs a best fake friend,

Bussis.

 

Ein Gedanke zu “How to Freinde vajogn

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s