„I schreib nix über Ed Sheeran“

Laut den Instastories woa jo e jeder Kärnter am Ed Sheeran Konzert. Derwegen schreib i an Beitrog, der irgendwie damit zum tuan hot. I woa jo schon 2018 in Wien mit da 3/4 Schwestanpartie. 2019 woama jetzt olle 4re und des woa so mei „Endlich bin i daham“ Moment. ❤️

Letztes Joa woa es mehr a Glückssoch, doss i aufn Konzert glondet bin. Irgendwie woa es Universum sowos von positiv gstimmt und is auf meiner Seitn gstondn. #blessed oda so.  2 Wochn fuam Konzert hot ma a Mädel ihre Koatn geben mit den Worten „Wenn i schon nit hingeh, will i, doss du do hingehst und endlich glücklich bist.“ Des Girl is a Engel auf Erden.
Im Nachhinein woa des Konzert a reinste Abschiedspartie und ausn Blean is kana mehr ausakemen. Seli und i in der Mitte drinn, zwa Schwestern, de nit amol a Wochn später fia 1 Joa getrennt wern und a Ed Sheeran der nit aufhert zu singen „Wait for me to come home.“
img_1061.png
…Und sie hot gwoatet, die Maus. So topfa und stoak wie se woa und so schwa und onstrengend mei Joa woa, wir sein wieda beinond und i bin DAHAM.

Beim Gewinnspiel fia den #supportyourregion Beitrag hob i gfrog, wie des DAHAM definierts. Jeder sig des ondas, jeder empfindet des ondas und i hob verschiedenste Ontwoatn greg.

Daham schätzt man erst, wenn man mol weg is.
Daham is jetzt nit lei Kärnten, wo de Berg san, wo de nit weit zum nächstn See host. Daham is nit lei, do wo i a Brettljausn greg und mi kana schief onschaut bei an holbn Lita Spritzwein mit Leitungswossa. (Franzosen würden nie im Leben Wein mit Wossa mischen.)
Daham is nit lei Wossa aus da Pipn, des du trinken konnst ohne zu glabn, doss des ausn nächstn Schwimmbod obgezapft woan is.
Daham is nit lei, Ledahosn, Diandl und Kirchtog.
Daham is nit lei dei Adress, de du in da Volksschul auswendig lernen host miasn und donn oba 10 Joa später nie irgendwem dazelst, weil des tuat man jo nit.

Fia mi is DAHAM a Gefühl. Des fühlt sich sicher on. Des fühlt sich schen on. Do hot man ka Ongst, do hot man kan Stress. Do is man anfoch glücklich. Do is man nit alan, weil man seine Freind hot, weil man do wen hot zum Redn, Lochn und Tonzn. Do wird nit geurteilt, do wird nit verurteilt, do wird nit bled gredet. Ok, natürlich wird bled gredet und da Sarkasmus sollt so fließend von da Hond gehn wie de gonzen Schwänkchen ausn Fuatgehleben. Oba ihr wissts, wie des gmant is,.
Jeder Mensch sollt a DAHAM hom, egal wo des donn a is. Fühlst du di in Bali daham, fliag holt obe (oda ume?). Is dei Daham bei da Oma, is des genauso schen. Is dei Daham dei Bett, ok genauso fein. Konnst du di nit entscheiden und host dei Daham on mehreren Orten, versteh i des a. Fühl i mi doch in Strassburg auf Jennys Terrasse fost genauso daham, wie bei uns im Wintagoatn. I wünsch ehrlich jedem, doss er sei Daham definieren konn und des Gefühl fühlen deaf.
A wenn ihr ma des nit glabs, fia mi schmeckt da Iced Caramel Latte Macchiato beim Mci in Spittal noch Daham. Oba wenn i den in Paris, in St. Pölten oder in Luxemburg getrunken hob, woa des nit so. Vielleicht weil de Bedienungen mir a nit dazelt hom, wie guat se den neien Shades of Grey Teil gfundn hom? Keine Ahnung, auf olle Fälle schmeckt sogoa da Kaffee daham noch daham. 

Wer mei privates Daham kennt, was lei zu guat, warum fia mi Daham so a schenes Daham is. Eigentlich is a Adresse nit zwingend a Zuhause, oba wenn do de richtigen Leit drinn wohnen, donn wohl a. Freitogobend auf da Terrasse mit Cider, Bier, Wassermelone (fia de Ungustln unta uns) und Skibo.

Desholb schreib i a den Beitrag, der irgendwie um en Ed Sheeran geht. Weil des Konzert hot ma irgendwie des Gefühl geben „Passt Larissa, jetzt bist wieda daham.“
Photograph hot mi es letzte mol zum Blean gebrocht, weil i anfoch nit mei klane Schwestern valossn wollt. Dieses Mol hob i gebleat, weil i was, i geh do nerma weg. Also natürlich verrott i jetzt nit im faden Kolbnitz und erhoff ma des geilste Life im Mölltol, oba i bin immer in da Nähe und kum sooft es geht ham. Weil nix geht übas Daham.

845456F8-E510-4F63-B737-F8B0E1A3D141.JPG
Bei Tenerife Sea (Ed’s fav song to play) konnst lei blean. Des is so volla Liebe des Liad, doss man valiebt is, a wenn man es nit is.

Bei Perfect beißt sich jeda in Oasch, weil doch e jeda gern sich als Kind verliebt hätt in die Liebe seines Lebens und de donn gheiratet hätt. Oba klana Tipp, de meisten in unsan Olta fian sich noch wie Kinda auf. Wer jetzt in ana Beziehung londet, konn des Liadl trotzdem getrost als Hochzeitssong spüln.

Bei Photograph hob i irgendwie lochn miasn, weil i ehrlich imma a Polaroid irgendwo eingsteckt hab. Derzeit des Pfingstbildl mit meiner Schwägerin. Und in da Briaftoschn seit 7 Joa sitz mei Bruada drinn.
Trogs  lei eire Lieblingsmenschn mit eich uma, nit lei im Herzln.

 
BTW hob i eeeeeeendlich „Let it go“ von James Bay live ghert. Kems schon, des is anfoch der Sad Song des Jahrtausends oda?

img_0592.jpg
So you can keep me inside the pocket of your ripped jeans

Mei 12-jähriges Ich hot ma am Freitag blerentiga fost es Herzl aus da Brust ghaut. 2018 woas zwoa schon echt happypeppy, oba mit N., S. und L. zommen auf an Fleckl.. Des konn nerma getoppt werden. Eindeitig is a Bucket-List-Punkt obghackelt woan und mei junges, zartes Vergangenheits-Ich is glücklich wie noch nie. ✨
Solltets ihr grod leida echt weit weg von eirer besseren Hälfte und eian Daham zu sein, oda seids kurzs davor wegzufoan.. Tuats es. Es is schwa, i verschöna do nix. Oba es wird jede Erfahrung wert sein. Egal ob Auslandsstudium, Praktikum, Zivi, Urlaub.. wos was i. Is de Person de richtige, sein des eire richtigen Freind und wirkliche Seelenverwandten.. donn haut des schon hin. Wos sein schon X Kilometer, wos sein schon X Tog.. im Gegensotz zum Für immer, wos ihr eich noch teilen werds? Hobs doch olle noch eia gonzes Leben fua eich! Anfoch bitten, doss de Leit daham woatn und donn anfoch hamkemen, wenn zum hamkemen is. Wonn des is? Wenns eich eia Herzl sog.

 

Wait for me to come home.
❤️

So und wer hot gwunnen? De liebe Lisa T. (Datenschutz u know). Weil ihr DAHAM Definition echt liab woa und recht fehlerfrei fia ian „Damenspitz.“ I erwähn jetzt nit, doss sie ondre Hymnen schena findet wie de eigene. Oba bussi. Loss da den Cider schmecken!

 

3 Gedanken zu “„I schreib nix über Ed Sheeran“

  1. Mei Daham isch Tirol, genauer mit Blick vom Balkon auf den Zahmen Kaiser und das Inntal bei Kufstein, nit die schicki-Micki-Seite. Dort bin ich grad und hab Gänsehaut beim Lesen. Aber meine erste Adresse ist leider bei Frankfurt. Da häng ich fest seit Jahren. Seit ich dreizehn war, wollt ich hier leben. Als ich diesen Ausblick zum ersten Mal gesehen habe, hab ich, die Stolze, Unnahbare, hemmungslos geheult, weil ich endlich wusste, wo ich hingehör, wo ich nicht falsch bin.
    Nun kann ich´s wenigstens manchmal, hier sein. Und jedes Mal, wenn ich zurück muss, tut mir das Herz weh. Dann hab ich so ein Heimweh, bis ich wieder da bin, wo ich mit meiner ganzen Seele hingehör.
    Und in den Zwischenzeiten, wenn´s gar zu arg wird mit dem Heimweh, koch ich nur noch Gerichte von da, verbeiß mich trauernd in meinen Speck und Käse, den ich immer mitnehme.

    Gefällt 1 Person

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s