Wie geht des nochmol?

Amol vorweg, i bin kane, de liebendgern am Handy sitzt und mit jemanden hin- und hertextet. Viel liaba telefonier i mit meinen Mädels oda her ma Sprachmemos on. Des is donn a a logischer Grund, wieso i mit kaum an männlichen Wesen schreib. Weil es mi leider anfoch nit interessiert. Oba ohne Schreiben oder so konn man a schlechte Kontake knüpfen, vor allem weil Kärnten und Lorraine nit grod lei an Katzensprung voneinonda entfernt sein. Jetzt frog i mol gonz ehrlich..

Wie geht des nochmol, des Flirten? Oda wie konn i an richtig guatn Eindruck bei wem hintalossn? Also i man da erste is e schon geton und der woa volla Sternlan💫 (dazu kema wonn ondas, versprochen.)
Aus gegebenen Gründen (de wohl voll offensichtlich sein) hob i wiedermol über des Thema nochgedocht. Wieda mol is ma aufgfollen, wos fa Niete i glott in Small Talk führen/ Schreiben geschweige von Flirten bin. Also man merkt holt, doss i so richtig out of the game bin.

Já deixando claro que NÃO são de minha autoria! 🙌🏻 #wallpaper #iphone #android #fundodetela #lockscreen #tumblr #print #instagram #desktop #unknown
wie i Flirtkenntnisse daherschnipps

Wos mi so grundlegend überfordert, a klana Überblick:

Hallo, wie gehts? Sollt i auf sowos glei ontworten, doss i heit mit ihm ungern schreib, weil seine/ meine/ UNSERE Sterne schlecht stehen?

I tua grod nix. Äh hallo du schreibst mit mir. Des is Nix für di? Aso ok… *blockiert* (Scherzchen fürs Herzchen.)

Tua lei wie du manst. I tat gern hoben, doss du olle Entscheidungen triffst, weil i des nit konn. Also sollt i ma glitzande Schuach kafn oder gelbe?????

anfoch a Smiley. Puh, i versteh Leit nit, de sich donn anfoch sinnlos Herzalan oda so hin und herschicken. Wer mir anfoch an Smiley schickt, soll sich daran gewöhnen, doss do ka Ontwort mehr drauf kumt.

Ob wonn konn i noch sein Sternzeichen frogen und wie um Gottes Willen find i sein Aszendenten ausa? Geburtsurkunde fladdan gestaltet sich wohl eher schwierig. Darf i ihn donn a sufuat varotn, wie perfekt wir uns matchen? Und doss des mit seiner Ex nix woan is, weil sie Widder gwesn is und für ihn, a Stanbock anfoch zu dominant gwesn is. Oda hert er sowas eher liaba nit?

Is außerdem Ghosten because of Sternzeichenprobleme moralisch vertretbar? i man a Jungfrau tat ma bei meiner Schuhkaufsucht immer lei sogn, doss i kane 8. schwoazn Nikes brauch. Als bräucht i so a negativity in mein Leben. NO WAY.

Wos moch i, wenn a Typ frog, wos i so tua. Netflix is doch zu lame oda mocht mi Amazon Prime interessanter? Oda sollt er glaben, i bin immer volle busy? Sollt i a Datelife erfinden, des i nit amol besitz? So a la “ Versteck mi grod am Klo, weil mei Tinderdate #24 dieser Woche so creepy is und gfrogt hot, ob es mi stört, wenn i mit russischen Akzent red, weil ihn des antournt.“ Mocht mi des interessant gnuag? Dabei is des Wahrheit jo so, doss i noch 1 Date schon 4 Monat Pause danoch brauch.. Oba des schreckt ihn jo a ob.

De Zruckschreib-Zeit check i bis heit nit. 5 Sekunden is zu schnell, 5 Minuten perfekt, 5 Tog wohl bisi zuviel. Nur i vergiss holt donn a drauf, wenn i de Nachricht sig und ma denk „Später.“ Nämlich 7 Grey’s Anatomie Folgen später denk i ma so „HUCH. Do woa jo noch wos.. Ah, es geht weiter.“ Und donn woas des mit uns.

Sobold i bisi wos getrunken hab, leg i jetzt immer brav mei Handy weg. Weil des endet nie guat, oba darüber kennts ihr morgen am Blog lesen. SPOILER, better be ready. Ehrlich. Oba wenn mir donn DER siase Typ auf mei Story reagiert.. Donn muss i anfoch hintaschreiben, obwohl i so 43 mal überleg, wos i ihm so schreib. I hab ihn donn glei olles gsog, wos i über ihn denk. Nächsten Tag ohne Wein hob i des oba nochmol gmocht, also #glaubwürdig.

Franzosen wollen dei Telefonnummer von Haus aus nit, oba e kloa, dauert des 45 Minuten, um de aufzusogen. 75 heißt nämlich „Sechzigfünfzehn“ rechne da des mol im Kepfl zomm, olta!
Oba wie is des bei Menschen in Österreich? Snapt man do forever mit dem Kerl und donn, wenn man im Kronkenhaus auf da Entbindungsstation, wenn man dein Partner onrufen sollt, sogt man donn „Schickens ihm lei an Snap!!“ Weil holt kane von baden jemals noch da Numma gfrog hot?

Muss i mein Schreibpartner oda Brieffreund oda Schriftkorrespondenten eigentlich mental drauf vuabereiten, wenn i meine Toge hob? Weil do her i gern lei liabe Sochen und konn Kritik nit soooo guat ob. Darf i anfoch mol so a Kompliment ausahaun oda is des zvü? Konn i ihm gonz beruhigt mei gonze Gefühlslage offen und ehrlich vorlegen. Oda is des a zvü? Ob wonn baut man a Kosewort ein wie Hase, Spatzi oda wos was i? Wie viel private Frogen sein pro Tog erlaubt? Drogen, Expartner, Gedanken über de Zukunft, wos isn überhaupt privat und wos nit? Bin i doch echt ane, de donn gern OLLES über ihre Lieblingsmenschen was. Hob i jo holt so a Thing mitn Universum und glab an Ehrlichkeit. Offene und ehrliche Frogen führen immer ans Ziel, obwohl es Ziel noch nit gonz definiert is. Es beinholtet holt mol Klopfatrinken, also is des Ziel amol erstrebenswert.

Schreibt man bis zum ersten Treffen täglich? Für mein Gschmock konn des schon onstrengend sein.
Um gonz ehrlich zu sein, schreib i grod mit wem, der mi schon echt interessiert, nur i hob holt decht Ongst, ihn interessierts nit so. Desholb schreib i mol liaba länger nix, damit er nit glab, i überschütt ihn mit Nachrichten. Oba i gibs ehrlich zua, check i mei Handy donn schon so im 5 Minuten Takt, ob er doch nit schon geantwortet hot. ACH DES MOG I SOWOS VON GOANIT. Wenn man ständig sich dabei dawischt, on wen zu denken, der da e nur poa Satzlen schickt. Mocht doch kan Sinn.  Voll komisch, aufs Handy zu schaun und zu hoffen er hot geschrieben. Und sogoa bisi „enttäuscht“ zu sein, wenn nix kemen is. Außa mei Kreditkoatnabrechnung, bei der ma e wieder schlecht werd. Konn i de eigentlich irgendwie heimlich auf mein Bruada umschreiben? hihihihihihi.

Zruck zu den ehrlichen Frogen. Dadurch konn i ma holt a guates Bildl von ihm mochen. Mein Fragenkatalog hol i a imma bei Treffen mit Freindinnen ausa und es is so sponnend, wos man so ausafindet. Obwohl de Froge mit da Kullifoab wohl nit so wichtig is. Die Pool und Meerfrage oba um so wichtiger. Weil i konn Menschen echt nit verstehen, wenn de Chlorwossa geila finden wie Solzwossa. Whats dis?
Ob wonn wird ausn Schreiben sowos wie wos wichtiges? Weil do bleibt de Froge, is de Person in echt a so? Hilfe, jetzt trigger i mi selber VOLLE. Wos is, wenn er in Realität volle und gonz ondas is?  I man, i vertrau jemanden gonz private Sochen nit so gern on, wenn i nit was, doss des donn a guate Freindschoft oda a Beziehung oda so wird. Also wos, wenn des lei Zeitvertreib is? Und i donn entteischt bin?  I kenn ihn jo in Echt schon a bisi, nur nit so guat. Wenn er überhaupt nix höflich is, sich nit für mi interessiert oda mit seiner Freindin mir gegenübersteht? I blea donn, gonz anfoch.
Aus Vorbereitungsgründen her grod Zara Larsson, do singt se „Please don’t fall in love without me.“ (Kurzer Einwurf, kane 2 Monat mehr bis zum Ed Sheeran Konzert. ❤ ❤ ❤ Sorry mei Konzentration is jo wohl echt da Wahnsinn.) Und i find schon, doss ma uns bade gegenseitig verpflichtet sein, sich jetzt nit in a ondre Person zu verlieben, wenn wir zwa mitanonda schreiben und a Treffen sich in naher oder a weniger naher Zukunft ausgeht. Also bitte, wo bleibn da Onstond?
Oda er? Wos is, wenn er sich denkt „Wosn des fa depate Olte?“ Donn hoff i, doss er ma wenigstens noch aus Höflichkeit an Rausch zohlt und sich donn nie mehr meldet. Bussi danke.

Darf i dem donn überhaupt a sogn, doss er es anzige männliche Wesen is, mit dem i schreib? Mocht ihn des zu wos Besundarem, oda glab er ma des sowieso nit? I schreibs im Blog, es wird schon nit glogn sein. Und na kan Tau, ob er mein Blog liest. I glab holt eher nit. Hoff ma amol. I hobn lei amol den „Du wast nit, wos du willst“ Beitrag gschickt, weil i zufaul woa zum Tippen. LOL. Vermutlich hot er den a nie glesn, i tats holt an seiner Stelle nit tuan. Oh Gott, wie konn man überhaupt genießen mit mir zu schreiben?
Bin i doch nix ausa longweilig, Netflixsüchtig, sternzeichenfixiert und voller französischer Schimpfwörter. In Echt bin i jo Welten lustiger.

Auweh, flirten in real life wird wohl noch a Nummer schwerer. Sollt i ma do jetzt glei an Stress mochen oda später? Seima uns ehrlich, wenn „nur“ Schreiben mit 800 Kilometer Sicherheitsobstond mi schon mei gonze Hirnkapazität in Onspruch nimmt, wie solln des bitte in Echt gehn.

Hoffentlich kennts ihr drüber lochn, doss i so out of the game bin. Also mei Schwesterherz greg jo jedes mol an vierstündigen Lochanfall, wenn i ihr davon dazel. DU GREGST ERSTA FOLTEN, DU WURF!!!!

ps: Oba er ma heit schon gschrieben hot? i wish.. Naaaaaaa. cry. 
pps: Glabs ma oda glabs ma nit, er hot ma genau in dem Moment geschrieben, wie i fertig woa mit dem Satzl. Sog ma noch amol wer, des Universumzeigs funktioniert nit!!!!

Space for @avitoriapires

 

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s