Wos i da nie gsog hob

Du kennst des bestimmt. Du sitzt in dein Bett, heast a poa guate Scheiben und aufamol erinnert di a Zeil on a Gespräch. Des Gespräch hot fua 3 Joa, 10 Monat, 2 Wochen und vier Tog stottgfundn, oba aufamol follt es da wieder ein. A wennst dafua nie so drüber nachgedacht hast.

So is es mir gongen und es is auf mei Liste „Dinge, de i jemanden nie gsag hab“ glondet. Es kumt online, obwohl de Geschichte nit ganz wahr is. Des tuat nix zur Sache, es geht um de Grundessenz. Weil i bin den männlichen Wesen auf dieser Erde wos schuldig; ihr seids nit olle so bled. Quasi „Da oame Boyfriend“ Teil 2. Außerdem brauch i dringend Karmapunkte. Jungs, Mädis und Universum- guat durchlesen.

Es geht um an Bua und mi. Long long is her und i bezweifl, dass er sich noch an mi erinnern könnte. Er is nämlich zum Glück weiter gegangen, hat sich entwickelt und braucht so depate, egoistische Wesen wie mi nit in sein Leben.

Er woa verliebt in mi, da süße Kerl, oda na, eigentlich a Stufn drunter. Also er is oag interessiert, könnte sich wos mit mir vorstellen, aber es is gefühltechnisch noch olles offen. I schein perfekt zu sein für ihn, trotz meiner Arroganz und mein „olle Weiba sein depat“. Frogs mi nit, wie man sich in mi verlieben hat kennen damals. Mit der Nase oben in da Luft hab i e nix gsegn außer mi selber. Shame on me, aber zur meiner Vergangenheit kema nächsten Sunntog, Deal?

Also zusammengefasst is des a klassisches Spiel. Er fast verliebt, i nutz des fest aus und bin dabei, sei Herzl zu brechen. Wo bleibt mei Gewissen? WO WOAST DU OLLE DE JOARE.

Noch drei oder vier Treffen sitz ma zamm in sein Auto. Vor meina Haustia. Es is schon dunkel draußen, olles steht auf „SCHMUS ENDLICH MIT IHR.“ I, sich verpflichtend fühlend, buck mi zu ihm vua und er spürt schon de Lippen auf seine. Donn ruck i seufzend hinta. Mei Gewissen hot kurz vorbeigeschaut. Sei Alarm geht Richtig „Abhauen.“ Fuß am Gaspedal, der Knopf „Beifahrer-Schleudersitz“ wird nervös auf de „Erfindens“Liste gesetzt.

„Es liegt nit an dir.“ Standardaussage. Larissa, wie kann man sowas überhaupt sogn? „Na, obwohl eigentlich schon.“ es wird wohl nix besser. BITTE? Seine Gedanken kann man quasi in seim Gsichtl nachlesen. „Du bist anfoch nit perfekt genug.“ Nobodys perfect, I gotta work it!!! Hannah Montana. Ok, des sein jetzt meine Gedanken und meine Dancemoves. „I will glei den Richtigen finden. Bei dir bin i ma noch unsicher. Bevor i es probier und Zeit in dir investiert, loss i es glei sein. Gute Nacht, danke für Alles.“

So meine lieben Leser und Leserinnen, bricht man an Typ in Sekundenschnelle es Herz!

Nie wieder gemeldet, geschrieben und gesehen. Also für des nächste halbe Joa holt.

Schlimm: I versteh mei damaliges Ich.

Schlimmer: Des hab i ihm a gsag a Zeitl später.

Es schlimmste: I hab ma es ABER verkniffen und des bin i ihm heit noch schuldig. Nur i was nit wie.

Mei Verteidigungsplädoyer: Wieso bei wem es Herz positionieren, wo i genau was, des hol i in a poa Wochen später demoliert zruck. Rückgaberecht a bei beschädigter Ware. Jo genau so geh ma mitn Herzl um.

ABER (bevor i ma aufherts zu lesen) bei meine Typen allgemein handelt es sich nie um Heiratsmaterial. Genau des hätt i ihm sagen sollen. Weil er wär des gwesn, er wär DER Mann gwesn.

Hätt i heut de Chance mi zu entschuldigen ..

„OBA wos i nit versteh, warum i bei DIR gezögert hab. Ziemlich schnell merkt man, wos fa guata Fong du bist. Fong ma mol dabei on, doss du di regelmäßig, nie zu oft meldest. Du erscheint pünktlich zu Dates, bist guat ongezogen und konnst mit guate Manieren ongeben. Man kann fast behaupten, doss du lustig bist und für die Girls zum Glück den Zuhörer spielst. Nie würdest du Vorwürfe machen, nie würdest du di beklagen. Echt aushaltend bist du. Mit an ordentlichen Studenten wie du bist hom de Schwiegereltern a a Freid. Du trinkst und isst olles, bist nix hackelig und dankbar bist a. Wos tat sich mei Mama frein, wenn i di mit ham bringen würd! Du bist so der „Blumenmitbringer“- Typ. Da „Wir schoffen alles zamm“- Kerl, de bessere Hälfte, de viele Mädchen wie i a dringend bräuchten. Sogoa Shades of Grey oder Sex in the City würdest du mit den Girl anschauen, obwohl i ma sicher bin, doss a Mädchen, des sowos mit dir schaun will, eher nix für di donn is. I hätt di vielleicht zu Grey’s Anatomie und Ed Sheeran bewegt, oba a nur manchmal. Fussboll schau i dafia mit dir, weil i nebenbei super lesen kann. Du kannst Ski foan gehn, sooft du willst, i huck daham. Win-Win-Situation. Für Geburtstage, Weihnachten und Zwischendurch hast du liabe Geschenksideen. Du magst Hunde. Du host a super Verhältnis zu deinen Eltern, was so wichtig is. Du bist nit eifersüchtig, gibst den Mädchen Freiheit, ohne doss sie sich verloren fühlt. Du holtest sie fest, ohne zu klammern. Beschützt sie, ohne Überhand zu nehmen. Du bist so a Mensch, der leicht a Daham sein konn. Der sei Mädchen nit verändern will, ihr aber hilft, sich selber zu an besseren ich zu machen.

Du BIST perfekt.

Mädchen sollten sich doch glücklich schätzen. Glab ma, de beißt sich noch in Popo. I BEISS MA BIS HEIT IN POPO. Heite wär i selig, wenn a Bua wie du sich für mi a nur onsotzweise interessiert. Oba woa i damals nit. I war damals noch nit bereit. Sei froh, i hätt di nur noch mehr verletzt.

Du sollst wissen, dass sie, mei damaliges ich, di nit verdient hat. Weil sie di nie so schätzen würde, wie du es vedient hättest. Sie tat di viel mehr als selbstverständlich annehmen. Gonz ehrlich, du hast a Mädel verdient, des genauso toll is wie du. Des di genauso unterstützt, dir zuaheat und für di do is. Beziehung besteht aus zwa Menschen, a Geben und Nehmen. Heut wär i des alles, aber es is zu spät. Viel zu spät. I frei mi, dass du heit glücklich bist. Und wenn du es nit bist grad, wünsch i ma, doss du es werst. Hoffentlich is dei Freindin, genau des wos i da so fest wünsch.“

Sorry, dass des Aber gefühlt erst Jahre später kumt.

Jungs und Mädis, hier nochmal für alle:

Sobald wer eich für „zu wenig/schlecht“ betitelt, seids stolz genug, um zu gehen. Der Narzissmus lost kan Plotz für ehrliche und offene Liebe zu. Seids dankbar, dass ihr gscheida woan seids und eich nit mit sowas abgeben miasts.

Bussi.

PS: ok erwischt. Des Is alles nie passiert. Weil wer mi kennt, was, dass i es der Person heut sagen würd und nit posten würd. Es Is wem anders passiert, es hat mi zum Denken angeregt und aus der Story, de aus der männlichen Seite entstanden Is, hab i des gemacht. Außerdem würd i bei ana Schmusarei viel zu schwer na da sogn. Oba a egal. I hab es ABER derwegen nie gsag..

PPS: am 1. Mai mein Blog zu lesen is fix ka Fehler.

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s