Da oame Boyfriend

Im Gegensatz zu meine „Olle Männer sein doof“ und „Jungs stinken“- Posts über männliche Wesen, de sich wirklich nit benehmen kennen, kumt heit a PRO Typen Text. Muss die Karmapunkte ausgleichen, you know. Heit mol fian guatn Haufn, sorry für die letzten Male.

Mädels, herts auf eure Probleme auf eure Typen zu schieben. Vor allem BEVOR er eia Boyfriend wird, i sog eich ans, des wird donn nämlich e nix. Weil er losst sich nit für immer aufn Kopf scheißn, er werd eich nit füa immer ertrogn. Wo steht bitte geschrieben, doss ihr eian Grant automatisch beim Boyfriend ungefragt abliefern dürft? Natürlich konn und sollt man in da Beziehung über olles reden kennen und sich halt die Probleme von der Seele obaratschn kennen. OBA es gibt an Unterschied zwischen an ernsthaften Gespräch und dem großen MIMIMI, wos die meisten Mädels fabrizieren. MIMIMI i bin hässlich, MIMIMI de ane Olte, de i seit fünf Joa nit mog, is immer noch depat, MIMIMI i greg meine Toge, MIMIMI du wirst mi irgendwonn sia verlossn (JO NA, JOHANNAH WENN DU NIX TUAST AUSA UMABLEAN). MIMIMI mei Datenvolumen is aufgebraucht, dabei is erst da vierte des Monats. MIMIMI i mog mei Mama heit nit.

Durch kürzliche Geschehnisse is ma wieda kloa woan, wos fane schlimmen Kreaturen in Frauenkörpern rumlaufen und richtig unguat zu ihren Partner sind. Meistens leider unbegründet.

Eure beste Freundin versetzt euch.
Für a ondre Freindin. Oh Gott, wos seids ihr grantig. Kems jo goa nerma kloa mit eian Leben. Also foats holt doch zu eian ach so nervigen Freind und verbrings den Abend mit Netflix und Chill. Obwohl Chill.. is wohl bisi danebengegriffen mit dem Wort. Setzt ihr eich doch vorm Laptop mitn Obagrant und ziags an Fotz. Er frogt e extra nit, wos los is. Obwohl du es ihm e schon am Handy grantig dazelt hast. „I kum jetzt doch zu dir, de blede XXX hot ka Zeit fia mi.“ Und er sogt schnell per Whatsapp seinen Jungs ab. Vorbei da schöne chillige Jungsabend, hallo mein Sonnenschein.. äh Grantenzipf! Er schaut mit dir Gossip Girl, du bist obagrantig, losst ihn nit mol zuabehuckn. Wast du wie kindisch du bist, Mädi? Tuat er grod nit irgendwie OLLES fia di? Hoff ma mol, er versucht nit, Sex mit dir zu hoben, es reicht schon a Schmusarei. Und du bist noch wütender. Wie konn er di jetzt nur ongreifn? Sei kläglicher Versuch, sei Hand nur mol auf deine zu legen, artet in Kreischerei deinerseits aus.
Oba du erklär ma amol, wos er jetzt genau folsch gmocht hot. Hot er di versetzt? Hot er eian gemeinsamen seltenen Abend spontan abgesagt, nur um mit wem anderen sich zu treffen? Wie woa des nochamal?
Merk da, nur weil dei Freundin sich daneben benimmt, solltest du nit anfangen, di bei deinem Freund genauso zu verhalten.Spiegelbild. Sunst bist bold genauso alan, wie dei Freindin. Sunst bist bold die Ex von diesem netten Kerl, der wohl überfordert mit dir sein muss.
Also nächstes Mal startest ins Haus eine, fliagst ihm um den Hals und bedankst di. Dafür, dass er sich Zeit nimmt. Dafür, dass er da is. Dafür, dass er mit dir Gossip Girl schaut!!!

Ihr hobs eia Prüfung versemmelt.
Geh ma davon aus, ihr habs viel glernt. Wenn nit und ihr hobs es verhaut- SELBER SCHULD, KEMS BITTE LONGSOM MIT EIAN LEBEN KLOA. Wer nix tuat, wird nix erreichen. Von nix kumt nix. Du kannst dann echt nit enttäuscht sein.
Ihr habs euch aber echt den Oasch aufgrissn und dennoch ins Klo gegriffen? Donn sog i eich ans- des geht a vorbei. Schulisches Versagen is sowas von kackegal, solang es nit Standard is. Bin i nit bei meiner Mathematura wegen an fuckin Punkt gflogn? Hob i nit dennoch an IQ von 131 (Angeberei zu ende) und hob derwegen an guten Erfolg im Zeugnis und is dennoch nit irgendwos woan aus mir? Des Irgendwas hot a LAP mit Auszeichnung in da Tasche& one day kumt a Bachelor a noch dazu. Oder a nit. Also bitte, stressts eich nit wegen da Schul/ Studium, is olles lei Wettkampf und Schaun, wer gscheida is. A gscheide Person würd des nit juckn, de würd anfoch ihr Soch durchdruckn.
Diese Fünf in Mathe oda da Fetzn in Latein (in Latein konnst lei Fetzn schreiben oda Ansaschüler sein) sollen oba bitte niemols da Grund sein, doss ihr mit eian Freind streitet. Zu guat kenn i des „Mei Beziehung is da Grund, warum i kacke in da Schul bin.“ Na, Nina, i glab nit, doss da dei Freind de IQ- Punkte ausn Hirn grammlt hot. I glab eher, doss DU persönlich deine Prioritäten folsch glegt host, dafia konn er nix. (Außer er zwingt di dazu, glab i oba nit.) Jetzt musst von den Eltern oder dir selber aus e jedes Wochenende lernen und willst ihn nerma segn. Schon mal wos von Pausn ghert? Lernst du Samstag abend von 18 bis 3 Uhr a? Meine Güte diese „I konn di nit segn, i muss lernen“ is erbärmlich, ehrlich. Konn man sich des wohl arangieren a poa Stund wenigstens zamm zu spazieren oda so.
Also beim nächsten Fetzn nit glei die SMS „Du bist da Grund, wieso i so schlecht bin.“ verschicken. Sunst kumt bold a „Du bist da Grund, wieso du jetzt Single bist.“ Take care.

Ihr kennts eich selber nit leiden
Monche hoben des 24/7, a poa lei ein paar mal im Monat. Oba es tuat ma lad, wenn ihr eich nit liebs, erwoatets des nit von eian Freind. Der konn eich ka Selbstliebe schenken oda eich eintrichtern, wie toll ihr seids. Er kompensiert nit des fehlende Gefühl. Sogt er vierzehn mal ihr seids nit zudick, oba ihr glabs es trotzdem, konn er nix dafia. Männer finden unselbstbewusste Frauen unsexy. A „I find mi selber zu dick“ kumt goanit guat on. Hob i zu an Typ mol gsog „I bin nit die Dünnste, oba i find mi selber guat“ is ihm da Mund offn gstondn. „So a Frau intressiert uns Jungs, de anfoch sich nimmt wie sie selber is und ka Zeit hot für Selbsthass.“ Selbstkritik ok, oba nit vor den Augen anderer. Vor allem nit eurem Boyfriend.

Und i bin mir sicher, de Selbstkritik is unbegründet. Ihr seids schen, olle mitanonda. Euer Lächeln kann Berge versetzen und Eis zum schmelzen bringen. Ihr seids so toll, wie ihr seids. Und wenn ihr den richtigen Mann noch an eurer Seite habs, Glückwunsch. I frei mi für alle von eich so fest und so arg.

Jungs, i bin de gechillte Freindin, de euren Girlfriends immer sogt, sie sollen eich bitte in ruah lossn mit ihren Dramen. I her ma schon ungern ihr Problem von da depatn Oabeitskollegin on, wieso solltets ihr des noch dreiezwanzig Mol onhern. Seids e voll am Oasch, kenns doch kaum sogn „Olta kum mol mit dein Lebn kloa.“ Obwohl, warum nit? Spinnen tat sie jo e sowieso.

Bis Donnerstag, da kommt a neuer Larissaliest Teil. Larissaliest #1 könnt ihr schon mal nachlesen.

 

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s